As bibliotecas de Redondela premian, no seu 50 aniversario, aos seus mellores lectores infantís

Con motivo da celebración do Día Internacional do Libro Infantil, que se celebra hoxe, 2 de abril, as Bibliotecas de Redondela conmemoraron esta efeméride premiando aos seus mellores lectores infantís. 

Os galardoados foron: 

- Na Biblioteca P. M. Valle-Inclán de Redondela, Antía, de 6 anos.

- Na Biblioteca Axencia de Lectura Municipal de Chapela, Andros Arribas Covelo, de 5 anos.

  

Os premiados recibiron como agasallo cadanseu lote de libros, que foron entregados por Mª Elena Becerra, directora das Bibliotecas Municipais de Redondela, e mais por Mª José Villar, responsable da biblioteca de Chapela.