Nun Día emblemático coma o de hoxe, Día da Biblioteca, comeza a súa andaina Literaturas Irmás/Irmãs
 | |||
| O centro de interese dedicado a Saramago na sala xeral da Biblioteca de Redondela |
O pasado xullo dabámosvos conta dunha reunión mantida na Biblioteca de Monçao entre unha representación cultural do concello de Redondela e a do concello lusitano veciño. O motivo era poñer as bases para dar comezo a unha colaboración entre as bibliotecas dos dous municipios, dentro do Proxecto Literaturas Irmás/Irmãs.
 |
| Logo do proxecto, deseñado por Esperanza Mara
O proxecto Literaturas Irmás/Irmãs pretende
visibilizar a cooperación existente entre as dúas rexións a través da
promoción de libros en galego en bibliotecas portuguesas e libros en
portugués en bibliotecas galegas, para que os usuarios das mesmas en
ámbolos dous lados do Miño poidan gozar da riqueza das dúas
literaturas. A súa impulsora, Tania Lago, iniciouno
a través dunha bolsa de práctica laboral na Deputación de Pontevedra na
realización dun Curso de Axentes de Cooperación Transfronteiriza,
baseado no fomento da mesma entre Galiza e o Norte de Portugal
(organizado entre outros pola Fundación Galicia Europa).
|
Hoxe, o proxecto ponse en marcha materializándose nun centro de interese sobre José Saramago nas bibliotecas de Redondela e sobre Manuel Rivas na de Monçao.
Os materiais, que atoparedes á vosa disposición no centro de interese na sala xeral,
foron facilitados pola biblioteca portuguesa, mentres que desde
Redondela enviamos unha selección de obras de Manuel
Rivas.
 | |||
| O depósito de documentos sobre Saramago |
Así mesmo nos clubs de lectura de ambas as localidades lerase algunha
obra dos autores correspondentes que variarán cada 3 meses e que se
poñerán a disposición dos nosos usuarios durante mes e medio en cada
biblioteca da nosa unidade administrativa
 |
| A lectura de Saramago nos nosos clubs de Lectura No Faro de Vigo (1) No Faro de Vigo (2) En Radio Redondela En Eldiario.es |
No hay comentarios:
Publicar un comentario