xa van 6 anos!
Tarta de gominolas que nos preparou a incombustible Leo.
Parécenos incrible, pero xa pasaron 6 anos da nosa apertura. Por iso hoxe, que tiñamos a sesión do club infantil de lectura, decidimos facer todos xuntos algo especial.
Na primeira parte da sesión falamos sobre o libro, que desta vez gustounos bastante a todos, sendo unha lectura que se pode recomendar para todas as idades:
Historia de una gaviota y del gato que le enseñó a volar, do gran autor chileno
Luis Sepúlveda. Ademáis de comentar as nosas impresións, como a tenrura que nos provocou a historia e tamén como nos moveu a sentirnos defensores do medio ambiente, fixemos xogos para descubrir o significado das palabras que fomos atopando no texto e que nos eran menos coñecidas.
..............................
Mais na segunda parte da nosa xuntanza, adicámonos, moi emocionados, a facer outra actividade coa que nos divertimos moito: confeccionamos un mural de homenaxe ao
6º aniversario da biblioteca de Chapela. Nese mural, ademáis de fermosas imaxes recortables, e debuxos que fomos improvisando, tamén incorporamos moitas citas literarias referidas aos libros e á lectura.
Os rapaces e rapazas do club de lectura preparan o mural.
Fixemos á biblioteca un agasallo moi pequeno de tamaño pero grande de significado: unha mini-libreta na que se fai todo un homenaxe ao libro. Xa sabemos a que destinala!: pedirémoslles a todos que nos escriban adicatorias e nos asinen as súas páxinas. Será un bonito recordo que a biblioteca conservará sempre con cariño.O mural estará próximamente nas paredes da biblioteca... é enorme!
Con esta actividade e máis coa
biblio-caravana que estamos a levar as
Bibliotecas de Redondela por todos os centros de educación primaria do concello, celebramos así o noso aniversario, pero tamén, como non, que estamos en Abril, o mes máis especial adicado ao Día do Libro.
Felicidades á biblioteca de Chapela e felicidades aos seus usuarios!
Guía de lectura infantil e xuvenil de Casa Árabe, editada en formato electrónico e papel, que apunta 287 lecturas infantís e xuvenís a través das cales o lector pode achegarse ao mundo árabe. Nesta edición, por vez primeira , a guía inclúe publicacións en catalán, vasco e galego.
Un dos máis importantes nomes da novela de aventuras matouse un 25 de abril de 1911 aos 49 anos. Emilio Salgari levou unha vida marcada pola tolemia e a morte. O seu pai foi o primeiro dunha cadea de suicidios familiares.
Unha das cartas, impresionante, deixada aos seus editores:
O XXVI Premio de Literatura Infantil O Barco de Vapor foi para Manuel Lourenzo González con Mundo Arb, unha novela de aventura e viaxes que deseña un mundo particular arredor dunha ábore xigante con diferentes comarcas e territorios. Os protagonistas son tres rapaces que fan unha viaxe para coñecer outras terras por este espazo.
Hai que dicir que todos os presentes disfrutamos moitísimo deste encontro, que foi sustancioso, cordial, ameno e cercano.
Dentro da programación da III Semana do libro, a festa das palabras, que organizan conxuntamente as Bibliotecas de Redondela e máis o Servizo de Normalización Lingüística, hoxe mércores, 20 de abril, ás 20.00 horas, na Casa da Cultura de Redondela celebrarase unha conferencia para afondar no obxectivo desta celebración: estimular a actividade lectora da veciñanza redondelá, e promover diversidade cultural e lingüística do noso contorno máis próximo. No relatorio participarán dous profesores e investigadores redondeláns que representan a forza e utilidade da lingua galega para achegármonos á nosa lingua irmá, o portugués, e ao mesmo tempo ao resto das linguas da nosa contorna: Roberto Samartim e Carlos Pazos Justo.
Agustín Fernández Paz será o primeiro autor galego incluído na Best European Fiction (Mellor narrativa europea) que publica a editorial estadounidense Dalkey Archive Press. Fernández Paz aparecerá co conto Esta estraña lucidez, pertencente ao volume O único que queda é amor, libro que xa lle valera ao autor galego o Premio Nacional e que Jonathan Dunne traduciu ao inglés. A Dunne, precisamente, agradécelle Fernández Paz o feito de entrar nesta antoloxía, "unha persoa que tanto está a facer pola difusión da Literatura galega". Dunne foi quen o animou a presentar a narración á editorial para a selección, finalmente elixida para un libro que aparecerá en novembro con 15.000 exemplares de tiraxe. Esta estraña lucidez, engade, é "formalmente máis anovador que outros relatos do conxunto, porque a voz narradora é o fantasma dun can". Sen dúbida, este é o grande ano de Fernández Paz, que nos pasados meses rexeitou o Premio da Cultura Galega no apartado de Literatura polo seu desacordo coa política lingüística do Goberno de Alberto Núñez Feijóo. El prefire mirar cara a adiante e rexeita comentar a cuestión: "Todo está dito no comunicado que remitín entón. Agradecín o galardón e expliquei por que o rexeitaba. Punto e acabouse. Son desas cousas da vida". O máis aclamado autor da literatura infantil e xuvenil foi seleccionado pola Organización Española para el Libro Infantil (Oepli) ao Premio Andersen, convocado polo International Board on Books for Young People (IBBY) e considerado como o Nobel do xénero. A resolución farase pública dentro dun ano, na Feira de Boloña de 2012.
Para festexar o Día do Libro, durante os días laborables de Semana Santa teremos nas alamedas de Chapela e de Redondela a magnífica Biblio-caravana das Bibliotecas de Redondela e máis de Normalización Lingüística.
